Day: January 31, 2025

Rusiyanın Kamçatka diyarındakı Yelizovo hava limanından 6 reys hava şəraiti ilə əlaqədar təxirə salınıb. SİA xəbər verir ki, bu, hava limanının onlayn məlumatlar tablosunda qeyd olunub. Belə ki, Severo-Kurilskə iki, Sobolevo, Ust-Xayryuzovo, Novosibirsk və Palanaya bir reysinin uçuşu təxirə salınıb. Qeyd edək ki, yanvarın 29-na keçən gecə sürəti 50 m/s-ə çatan küləkli siklon Kamçatkaya yaxınlaşıb. Siklon əhalinin məskunlaşdığı ərazilərin infrastrukturuna – ticarət obyektinin damına, uşaq attraksionuna, ticarət obyektinin pəncərələrinə ziyan vurub. Xəsarət alanların olmadığı bildirilir.

Fələstin HƏMAS hərəkatının hərbi qanadı “İzzəddin əl-Qəssam” Briqada komandiri Məhəmməd əl-Deyfin öldürüldüyünü təsdiqləyib. SİA xəbər verir ki, bunu qrupun nümayəndəsi Əbu Ubeydə hərəkatın teleqram kanalında videomüraciətində bildirib. “Biz xalqımıza və dünyadakı tərəfdarlarımıza Məhəmməd əl-Deyfin vəfat etdiyini bildiririk”, – o, söyləyib.

Vaşinqtonda hərbi helikopterlə havada toqquşaraq çaya düşən sərnişin təyyarəsinin “qara qutu”ları tapılaraq ekspertizaya göndərilib. SİA xəbər verir ki, bu barədə mənbəyə istinadla “ABC News” məlumat yayıb. “”Qara qutular “American Airlines” təyyarəsinin göyərtəsində tapılaraq Milli Nəqliyyat Təhlükəsizliyi Şurasının laboratoriyasına göndərilib”, – telekanalın mənbəsi bildirib. Qeyd edilib ki, dalğıc qrupları hər iki təyyarənin düşdüyü Potomak çayında işlərini dayandırıblar. Kanalın mənbələrinə görə, indiyədək 40-a yaxın cəsəd, o cümlədən ordu helikopterindən olan azı bir əsgər tapılıb. Xatırladaq ki, Kanzasdan uçan “Bombardier CRJ700” sərnişin təyyarəsi yanvarın 30-da Reyqan Milli Hava Limanına yaxınlaşarkən təlim uçuşu zamanı…

İranda dəhşətli qətl

Son bir ayda baş verən 30-dan çox partlayış və bir neçə ölüm hallarından sonra İsveç hökuməti polis tərəfindən yetkinlik yaşına çatmayanların dinlənilməsi haqqında qanunun tətbiq edilməsini sürətləndirməyə qərar verib. SİA xəbər verir ki, əvvəlcə 2026-cı ilin yayına planlaşdırılan qanun, hazırda 2024-cü ilin oktyabrından qüvvəyə minib. Baş nazir Ulf Kristersson baş verənləri zorakılıq hallarının yeni dalğası kimi xarakterizə edərək, bildirib ki, ölkədə cinayətkarlıq halları uzun illər ərzində artıb və hazırda vəziyyət hökumətin nəzarətindən çıxıb. Bu ilin əvvəlindən İsveçdə 32 partlayış baş verib, əksəriyyəti Stokholm ərazisində qeydə alınıb. Təkcə ötən çərşənbə axşamı…

İstanbul başda olmaqla Türkiyənin bir çox şəhərində sənədsiz və ya sənədi olub Mədəniyyət və Turizm Nazirliyinin yaşayış yeri kimi icazəsi olmayan bütün hotellər bağlanacaq. SİA xəbər verir ki, bunu İstanbul valisi Davut Gül açıqlayıb. Bildirilib ki, qarşıdakı günlər ərzində yoxlamalar aparılacaq. Ən gec fevralın 2-dək sözügedən mehmanxanaların hamısının fəaliyyəti dayandıralacaq. D. Gül söyləyib ki, prioritet məsələ hotellərin zəlzələyə davamlı olmasıdır. Xatırladaq ki, sözügedən qərar Bolu vilayətində xizək kurortundakı hoteldə 78 nəfərin ölümü ilə nəticələnən yanğından sonra verilib.

Şahzadə Harrinin deportasiyasına səbəb ola biləcək iş üzrə ABŞ-da ilk məhkəmə prosesinin vaxtı müəyyənləşib. SİA xəbər verir ki, ilk proses fevralın 5-də başlayacaq. Mühafizəkar İrs Fondu Harrinin ABŞ vizasını alarkən verdiyi məlumatların açıqlanmasını istəyir. Digər məsələ isə odur ki, şahzadə narkotik istifadə edib-etmədiyini açıqlamalıdır. O, tərcümeyi-halında kokain, marixuana və halüsinogen dərmanları sınadığını iddia edib. Fond şahzadənin viza sənədlərində deportasiya üçün səbəblər ola biləcəyindən şübhələnir.