…Qlobal texnologiyalar hələ də dayanmır və bu yaxınlarda Çində çay tökmək və salat hazırlamaq qabiliyyətinə malik insanabənzər robotun nümayişi robot texnikasının gələcəyi və onun insan həyatına təsiri ilə bağlı yeni müzakirə dalğasına səbəb olub. Bir çox insanı maraqlandırır: robotlar nə vaxt insanları əvəz edəcək və dünyanı ələ keçirəcək?
Doğrudan da maraqlıdır, robotlar dünyanı ələ keçirə biləcəkmi və bu nə vaxt baş verə bilər?
SİA-nın məlumatına görə, süni intellekt təhlükəsizliyi üzrə ekspert Georgi Klimov qeyd edib ki, xarici görünüşcə insanlara bənzəyən insanabənzər robotlar insan hərəkətlərini təqlid etmək məqsədi ilə hazırlanır ki, bu da onları daha çox yönlü eləcə də bəşəriyyətin xeyrinə işləmək üçün əlverişli edir.
…Çin robotlarının nümunəsindən göründüyü kimi, onlar sadə məişət işlərini yerinə yetirə bilirlər. Onlar insanların olması qadağan olunan yerlərdə də iş görə bilərlər: radiasiya zonalarında, kimyəvi istehsal sahələrində… Bu gün robotlar hətta cərrahlara da kömək, xəstələrə qulluq edə və digər tibbi prosedurları yerinə yetirə bilər.
Məsələn, Yaponiyada robotlar artıq otellər, restoranlar və mağazalar kimi xidmət sektorunda işləyirlər. Bundan əlavə, robotlar insanlara kosmosu, okeanı və digər əlçatmaz yerləri kəşf etməyə kömək edirlər.
Təbii ki, bir çox insanlar qorxur ki, bir gün robotlar öz yaradıcılarını zəka baxımından üstələyəcək və “quldarlıq” adlanan buxovları atacaqlar. Amma bunun üçün onlar əqli inkişafda insanı üstələməlidirlər.
Georgi Klimov qeyd edib ki, robot texnikası sahəsində heyranedici uğurlara baxmayaraq, hazırda bəşəriyyət bu sənayedə inkişafın kifayət qədər erkən mərhələsindədir. Deməli, süni intellekt böyüməyə davam edir, lakin qeyri-standart şəraitdə çeviklik, uyğunlaşma və qərar qəbul etmək baxımından hələ insan zəkası ilə müqayisə edilə bilməz.
…Robotlar hərəkəti təqlid edə bilsələr də, hələ də insanlardan çeviklik, dəqiqlik və koordinasiya öyrənirlər.
Bundan əlavə, robotlar hələ də ətrafdakı dünyanı insanlar kimi qavraya bilmirlər.
…Robotların dünyanı ələ keçirməsi təhlükəsi çox şişirdilmişdir. Çünki təkbaşına qərar qəbul edə bilən, müstəqil hərəkət edən və hərəkətlərinin nəticələrini anlayan robot yaratmaq süni intellekt sahəsində sıçrayışlı kəşflər tələb edən son dərəcə mürəkkəb bir işdir. Bundan əlavə, robotlar hazırda verilmiş proqramlar çərçivəsində və insanların nəzarəti altında fəaliyyət göstərirlər. Robotların dünyanı ələ keçirməsinə kömək edə biləcək istəkləri, məqsədləri olmadığını başa düşmək vacibdir.
Bunu deyən Klimov əmindir ki, robot texnikasının inkişafı bəşəriyyət üçün böyük imkanlar açır, eyni zamanda yeni çağırışlar da yaradır.
Beləliklə, robotlar insanların ağır fiziki əməyini asanlaşdıra, gündəlik həyata kömək edə və həyat keyfiyyətini yaxşılaşdıra bilər. Onlar həmçinin iqtisadiyyatın müxtəlif sahələrində məhsuldarlığı artıra bilərlər. Bir çox proseslərin avtomatlaşdırılmasına baxmayaraq, robot texnikasının inkişafı robotların inkişafı, texniki xidməti və idarə edilməsində yeni iş yerləri yarada bilər.
…Robotexnika və süni intellektin inkişafı bəşəriyyət üçün yeni imkanlar açan qaçılmaz bir prosesdir. Robotların dünyanı zəbt edəcəyi ilə bağlı qorxular hazırda əsassızdır. …Bu gün texnologiyalar bəşəriyyətin əsarətinə çevrilməsinə deyil, onun xeyrinə yönəlib.
Bunu da Georgi Klimov bildirib.
Əli Babayev
