“Saç ağarması, adətən yaşlanma ilə bağlı fizioloji bir proses olsa da, müəyyən psixoloji amillər bu prosesi sürətləndirə bilər”. Bu sözləri SİA-ya açıqlamasında psixoloq Zeynəb Eyyubova deyib.
Psixoloq sözlərinə belə davam edib: “Psixoloji olaraq aşağıdakı səbəbləri vurğulaya bilərsiniz:
– Uzunmüddətli stress hormon balansını pozaraq melanin istehsalını azalda bilər. Bu, saçların erkən ağarmasına səbəb ola bilər.
– Duyğusal vəziyyətlərin uzun müddət davam etməsi bədənin ümumi sağlamlığına təsir edir və saç köklərinə mənfi təsir göstərir.
– Şok yaradan bir travma (məsələn, yaxın itkisi, qəza və s.) saçların ani şəkildə ağarmasına səbəb ola bilər.
– Yuxu çatışmazlığı bədəndə regenerasiya proseslərinə mane olur və erkən yaşlanma əlamətləri, o cümlədən saç ağarması meydana gələ bilər.
– Uzunmüddətli psixoloji gərginlik bədəndə müxtəlif fiziki dəyişikliklərə səbəb ola bilər, saçların ağarması da bu təsirlərdən biridir.
– Ailə üzvlərində erkən saç ağarması ilə yanaşı, yüksək psixoloji təzyiq də erkən saç ağarmasını gücləndirə bilər.
Nəticə olaraq:
Saç ağarmasının səbəbləri arasında psixoloji amillərin rolu böyükdür. Buna görə də stressin idarə edilməsi, yuxu rejiminin tənzimlənməsi və travmaların üzərində işlənməsi saç sağlamlığı üçün vacibdir. Bu problemləri azaltmaq üçün psixoloji dəstək almaq tövsiyə olunur”.
Ayşən Vəli
